მეტად საინტერესოა კოკოს მშობლების ამბავი... ალბერ შანელი (კოკოს მამა) სასტიკი წინააღმდეგი იყო ჟანა დევოლის (კოკოს დედის) ცოლად მოყვანის. ალბერი ცოლთან და შვილებთან ერთად ცხოვრობდა, ჟანა სულ თან დაყვებოდა ქმარს, რომელიც მოხეტიალე ვაჭარი გახლდათ. ამის მიუხედავად ბატონი შანელი უარს აცხადებდა ოფიციალურ ცერემონიაზე... წყვილის უფროსი ქალიშვილი ჯულია დაახლოებით ერთი წლით უფროსი იყო დაზე – კოკოზე (გაბრიელზე).
სომურში 1883 წელს 19 აგვისტოს, თავშესაფარში ჟანას გოგონა ეყოლა, რომელსაც გაბრიელი დაარქვეს, უბრალოდ გაბრიელ შანელი! სად იყო ამ დროს მამა? იქნებ საქმეების გამო შორს იმყოფებოდა და ვერ მოახერხა ჩამოსვლა ცოლის დასახმარებლად? ეს არავინ იცის!..
მეორე დღეს, როცა მერიაში ბავშვის დაბადების რეგისტრაცია წარმოებდა, მამა ისევ არ ჩანდა და მის მაგივრად ყველაფერი სამმა ხანში შესულმა თავშესაფრის მსახურმა ქალმა გააკეთა... მათვე გადაიხადეს ხაზინაში შესატანი რამოდენიმე გროში.
21 აგვისტოს გაბრიელი თავშესაფრის კაპელაში მონათლეს. ნათლობას არცერთი ნათესავი არ ესწრებოდა და რა თქმა უნდა არც ალბერტი!
1884 წლის 17 ნოემბერს როგორც იქნა შედგა ალბერ შანელისა და ჟანა დევოლის ქორწილის ცერემონია. მათ ოფიციალურად აღიარეს ჯულია და გაბრიელი.ამის შემდეგ შანელებს კიდევ ეყოლათ ერთი ქალიშვილი და ორი ვაჟი...
View საფრანგეთი – შვეიცარია in a larger map
No comments:
Post a Comment