გამოგონილი ბიოგრაფია...

"მამაჩემი ალბერტ შანელი ზვრების მფლობელი, ღვინით მოვაჭრე და გემოვნებიანი ადამიანი გახლდათ. დედა ჟანა დევოლი – ქმრის ერთგული ნებისმიერ საქმეში, ლამაზი და ჭკვიანი... მოსიყვარულე და–ძმა, ორი აღმზრდელი დეიდა. მამის მიერ შერქმეული მეტსახელი – კოკო. ბედნიერი ბავშვობა და ცხოვრების რთული გზა, რომელმაც წარმატების მწვერვალზე ამიყვანა"
ლამაზად დახატული ბიოგრაფიაა, მაგრამ სიმართლე მხოლოდ ის არის, რომ კოკო შანელი თავდაუზოგავად შრომობდა წარმატების მისაღწევად და მწვერვალზე ასასვლელად....

კოკოს იმდენად სძულდა საკუთარი წარსული, რომ მისი გახსენებაც არ უნდოდა... შიშობდა, თუ მის წარმომავლობაზე სიმართლეს გაიგებდნენ, მისი გავლენა დაეცემოდა – მოინდომებდნენ კი ცნობილი და მდიდარი კლიენტი ქალბატონები მასთან ურთიერთობას, თუკი გაიგებდნენ მის წარმომავლობას და ოჯახურ მდგომარეობას?!

p.s. ნამდვილ ბიოგრაფიულ ცნობებს შემდეგ პოსტში მოგიყვებით...

რატომ კოკო?

ახალი საფიქრალი გამიჩნდა...ინფორმაციულ წიგნიერებაში დამევალა ვებ – პროექტის გაკეთება.ყველაზე ძნელი თემის მოფიქრება აღმოჩნდა...თავში ათასი აზრი მიტრიალებდა,მაგრამ ვეძებდი განსაკუთრებულს, აქტუალურს და საინტერესოს (მემგონი მივაგენი)...
მიუხედავად იმისა, რომ კოკო შანელი დაახლოებით 129 წლის წინ დაიბადა, დღესაც იბეჭდება მასზე სტატიები ჟურნალებში სათაურით "ლეგენდა ...და ქალი", სულ ცოტა ხნის წინ ვნახე ფილმი, რომელიც მთლიანად კოკოს ცხოვრებაზე და შემოქმედებაზეა გადაღებული და კიდევ, ის არის ერთ–ერთი, 100 ადამიანიდან, ვინც შეცვალა მსოფლიო...
(დამეთანხმებით ყველა ცნობილი ადამიანი ვერ იმსახურებს იმდენს, რომ მასზე მთელი წიგნი დაწერონ, გადაიღონ ფილმი და უკვდავყონ საუკუნის მერეც)

დიდი ხანია, კოკო შანელი აღარ არის მხოლოდ სახელი და გვარი. ის – ელეგანტურობის, უკვდავი კლასიკისა და ქალურობის სიმბოლოა; სავაჭრო ნიშანი, ყოველდღიურად მილიონობით დოლარის მოგება რომ მოაქვს. კოკო შანელი – მრავალი ხელოვნებათმცოდნის, კოლექციონერის თუ ჩვეულებრივი ქალისთვის სათაყვანებელი კულტია... მათ ხომ შესანიშნავად იციან, "შანელის სტილი" არასდროს გადავა მოდიდან, რადგან ის თავად აღემატება მოდას...